Tittel: Photon-assisted Landau-Zener transitions in driven few-level systems
Veileder: Jeroen Danon
Sammendrag: I denne avhandlinga utforskar me Landau-Zener overgangar i drivne få-nivå system. Me behandlar drivingsfeltet både semi-klassisk (som ein tidsavhengig parameter i Hamilton operatoren) og heilt kvantemekanisk (som eit fotonfelt). Me presentere først den grunnleggande teorien bak Landau-Zener overgangar samt sterk og svak semi-klassisk driving. Me bruker så det me har presentert til å føreslå to metodar for måling av magnetfelt ved bruk av NV-senter i diamantar. Ein er inspirert av Landau-Zener-Stückleberg interfermetri, der foton-assistert Landau-Zener overgangar vert tatt i bruk, medan den andre brukar indirekte Rabi svingingar. Kor brukbare desse metodane er blir diskutert, der den andre av dei to metodane vert utpeikt som den mest lovande. Me startar så å behandle drivingsfeltet kvantemekanisk, der me byrjar med å presentere den grunnleggande teorien bak eit to-nivå system kopla til ein enkelt fotonmode, før me introduserer så Landau-Zener overgangar i modellar slik som dette. Me tek så dette i bruk til å manipulere koherente tilstandar og superposisjonar av desse, kjent som Schrödinger-kattetilstandar. Til slutt føreslår me ein ny metode for å lage slike kattetilstandar ved å bruke foton-assisterte Landau-Zener overgangar.