Tittel: Operator algebras on Wiener amalgam spaces
Veileder: Eduard Ortega
Sammendrag: I denne oppgåva vert operatoralgebraar på Wiener-amalgamrom introdusert og behandla. Først kjem ei grundig innføring til Wiener-amalgamrom på lokalt kompakte grupper, som dreg nytte av både den kontinuerlege og diskrete normen til romma. Fleire av eigenskapane til Wiener-amalgamrom vert viste, mellom anna mengderelasjonar, dualitet og tillukking av både punktvis produkt og konvolusjonsprodukt. Vidare ser vi på operatorar på Wiener-amalgamrom, og først dei inverterbare isometriane. Det kjem fleire døme på at Lamperti-teoremet ikkje gjeld for Wiener-amalgamrom. Så vert kvasiisometriar introdusert og behandla. Kvasiisometriar gjev rammeverket for å diskutera representasjonar på Wiener-amalgamrom. Til slutt vert operatoralgebraar på Wiener-amalgamrom introdusert, og vi ser grundig på gruppealgebraar og kryssprodukt. Vi viser somme resultat for desse algebraane, mellom anna dualitetsteorem og strukturresultat.